كل فتاه بأبيها معجبه.......فهل هذا صحيح؟؟

انتى بتقولى فيها انا بابا عندى حاجه كده غير كل البشر
اول لما قريت الموضوع افتكرت نفسى وكلامى عنه الى مبتقطعش
وايه اقعد احكى فالحاجات الكتير الجميله الى كان بيعملها
بس مكنتش بزودها يعنى كنت بقول الحقيقه بس كل حاجه
حتى ضحكته لو حد ضحكها اقولهم بابا كان بيضحك كده
ولا سماحته و حنانه اى حاجه وحتى لو شوفت حد من قريبنا بيعامل ولاده بقسوه
اقوله كده قدامه انت بتعمل كده ليه بابا عمره ما عملنا كده انت مش اب

اقولك على سر بصراحه هو مقياسى فالحكم على الرجل اى واحد
اشوفه فيه منه ولا لا ولو غير كده يبقى خلاص راحت عليه هو اكيد
غلط اننا نحكم على الناس كده بس
لو واحد حنين يحتويكى لما تتكلم معاه يبقى اكيد هو
لما يكون مبتسم على طول حتى وهو حزين
لما يكون متواضع وبيحبه الصغير قبل الكبير اقدر اقولك ان ده بابا
شوفتى انا ليه مقتنعه انو اهم مقياس للحكم على اى حد صفاته اجمل حاجه فالدنيا

شكلى بقيت زيها بس فعلا مها هوصفهولك من وجهه نظرى مش هيكفينى عمرى كله اتكلم عنه

وختاما كل فتاه بابيها معجبببببببببببببببه ومحببببببببببببببببببببببببه