انا انهاردة جايبلكم قصه كوميدي ويارب تعجبكم مش انا اللى كتباها ومالفاها لكن دى اللى مالفها حد عزيز عليا اوى واكتر حد بجد قريب منى
ويلا نشوفها ويارب تعجبكم
يوميات اغبى رجل فى العالم
عارفين هو اغبى رجل فى العالم ليه؟
عشان هو مش غبى عادى زينا كدة لا!دة محترف غباء يعنى راجل درس وذاكر وتعب وطلع عينه لحد مابقى اغبى واحد.
امال ايه ياجماعه هو انتم فاكرنها سهله
وعشان تصدقوا اللى هايشوفه دلوقتى هايلقيه اتغير خالص طبعا ماهو عدى بقى
دى حتى اكتر حاجه بيخاف منها دلوقتى الحسد اه والله
وتلاقيه ياحول الله على طول معلق فردة شبشب شمال قطوعه فى رقبته مابيعقلعهاش خالص
واوعى تعمل ناصح وتقولى حتى وهو بيستحمى عشان هو اصلا من ساعه مافاز باللقب (بطل)مابيستحمى ال ايه
خااايف لا يستحمى تقوم تبان عليه النعمه
بس بصراحه ياجماعه هو عنده حق اصل الشهادة لله الناس اتغيرت وبقت عينيها وحشه مابقوش زى زمان اصل زمان الناس كانت بتفرح لبعض وماكنش فى السواد والنفسنه بتاعه اليومين دول
دى حتى صاحبنا بتاع اللقب كان خبى على كل الناس اللى يعرفوه
لولاش الواد ابنه (العبيط) اول ماعرف طلع فى الشارع وبعلو حسه فضل يجعر ويقول (ابويا الغبى اهه !ابويا الغبى اهه )
قامت الناس اتلمت وفضلوا لوكلوك.... لوكلوك لحد ماعرفوا الحكايه من طاْطاْ لحد كاظم بيه
ومن ساعتها والراجل ياعينى مش متهنى بيوم عدل
ال ايه ياسيدى خلاص بقى بطل قومى
وفضائيات طالعه وفضائيات داخله وصحافين بقى من كل لون يابتيستا واحاديت وتصاوير ومواقع النت والفيس بوك
فضلوا كل دول يجيبوا فى سيرة الراجل لحد مابقى اشهر من الواد مهند الحليوة ر واللى زاد وغطى كمان الموبايل اللى جاله هديه بمناسبه الفوز باللقب الغالى طلع سكه .
اصله مافيهوش اظهار رقم الطالب وعنها وصاحبنا قال والله ماهو بايت فى الدار
ونده للواد ابنه (العبيط) قاله خد المحروق دة وديه لعمك مسعد ابو حصيرة وقوله ابويا بيقولك عيب كدة ياتجيب حاجه سليمه يابلاش منها الفشخرة والنعرة الكدابه اللى انتوا فيها دى.
وشويه الواد راح ورجع بيقوله عم مسعد بيقولك الموبايل كامل من مجاميعه وهو بنفسه مركبله اظهار رقم الطالب ومش كدة وبس لا دحنا كمان مقدمنله على عداد وقالولنا هيجوا يركبوه بكرة.
وبيقولك شوفه كدة يمكن يكون جعان.
اصل الراجل الغبى اللى باعه لعم مسعد ماقلوش بياكل ازاى ولا منين ولا بياكل ايه قام صاحبنا شال فى نفسه شويه كدة وقال شوف ازاى وانا اللى كنت ظالم عمك مسعد ابو حصيرة وافتكرته لسه ايحه وماسك على الدنيا زى زمان.
ماهو اصل عمك مسعد دة ليه حدوته.
اصله كان من كتر بخله وعفانته مش راضى يشترى اى حاجه يفرشها فى داره
قام بقى لما عياله جالهم جرب من القعده على الارض قام حس على دمه وفك كيسه واشترى حصيره ومن ساعتها وهو اسمه فى الكفر مسعد ابو حصيرة
ومن ساعتها هما كل سنه بيحتفلوا بالعيد القومى للحصيرة
يلا .... الغرض...
خد بقى يابنى الموبين ده روح بيه لدكانه عمك عوض سلكه الكهربائى بتاع الكفر وقوله ابويا اللى مشرف الكفر كلاته بيقولك البتاع دة بيزن ويرعش بس النمر مابتبنش عليه.
وخليه يشوفه بقى لو كان جعان ولا بعافيه شويه اصل انا خايف لا يكون خد نزله برد اصل اليومين اللى فاتوا كانوا سقعه واحنا سايبينه عريان كدة من غير كفر ولا حاجه.
ولو عمك عوض كتبله على اكل مخصوص ولا دوا خده واطلع بيه على المول اللى عالترعه
بس حاسب وانت بتعدى الترعه لا الشيطان يوزك عشان تنزل تغطس فى الترعه زى عوايدك عشان الموبين لو نزل الترعه ممكن تجيله بلهارسيا وده شكله ابن ناس مش زيك
الواد العبيد سمع الكلمتين من ابوه وخد ديله فى سنانه وطلع على دكانه عوض سلكه واول ماشاف عمه عوض راح دالئ
الكلمتين اللى ابوه قالهومله
وعوض ده ياخوانا راجل ماشاء الله عليه من ساعه مااشتغل كهربائى وهو مش ملاحق على الشغل لدرجه انه لحد دلوقتى مصلحش حتى تليفون لعبه من اللى بيقول اطبطب وادلع للست الفنانه العظيمه نانسى عقرب....
ويارب يعجبكم القصه الكوميديه دى بتاعه حد عزيز عليا اوووووى ومش جايباها من على النت ولا حاجه جايباها من صاحبها نفسه
ويارب تعجبكم
سمسمه
السبت 1 نوفمبر 2008 - 1:09
