حوار بين اب وام ابنهم بلع زلطة

هو طفل 4 سنوات لو ان العلماء شاهدوه لقالوا ان الانسان مش اصله قرد ده اصله نعامه باعتبار ان النعامة هى الحيوان الذى يبلع الزلط
فهو لايرى اى شئ فى الدنيا الا يبلعه القروش والشلنات محولا من بطنه من بطن الى حصالة
فاذا اكل المشمش فلابد له ان يبتلع بذرة او اثنتين
وايضا الحال مع البرقوق والبلح والزيتون الاسود
عشان كده تلاقيه يكره الموز لانه ليس له بذر يبلعه
ومرة قال لوالده :
-هات لى بلى يابابا
ونسى الاب واشترى له عشر بليات كان فاكره يريد اللعب ولم يخطر له انه جعان ....بلع 5 بليات ولحقوه قبل ما يحلى بالنيكل
ومرة شاهده والده يجلس منتفخ الشدقين بشكل غير طبيعى
ففتح فمه وأخرج كرة بنج بونج وقبل ان يقفل له فمه فحصه جيدا ولكنه لم يجد المضرب
ومنذ يومين لاغير اقبلت امه مخضوضة تقول انه قد بلع زلطة
-واحدة؟
-اه!
-تبقى بسيطة.
- بسيطة ازاى ! قوم أستفهم منه كويس
فذهب يستفهم منه:
-انت ياواد بلعت زلطة؟
-اه!
- وليه بلعتها؟
-عشان كانت فى بقى !
وروى له اخوه الاكبر انهاكانت زلطة سمينة الى درجة انه اضطر الى بلعها بلقمة وشوية مية
على كل حال بسيطة قال للام المخضوضة :
- هى دى اول زلطة يبلعها ؟ده تلاقى فى بطنه محجر!
- ده وقت هزار!
-هوه فيه حاجه بتوجعه؟
فسأله:
-فيه حاجة بتوجعك ؟
فأجاب:
- صباعى !
- شفت ازاى ؟ قالت الام الزلطة مشيت فى جتته
فذهب الاب بأبنه للدكتور وعمل له اشاعة ورأى ان الزلطة رابضة فى مكان ما من امعائه الغليظة
-ايه رأيك يادكتور ؟ لو زقيناها بزلطة ثانية؟
فلم يوافق لكنه ابدى سروره لانها وصلت لامعائه الغليظة معنى ذلك انها ستنزل من تلقاء نفسها ولا الحوجة للجراحة ..وقالت الام للدكتور:
- والاكل؟
- عادى
الاب قال :
-عادى يعنى شوية بذور مع شوية بلى وشوية زلط حاجات خفيفة كده!
ولكن ماحدش ضحك بالرغم من ان الدكتور لهف 3 جنيه
وبات الواد وصحى فدخل الحمام ثم خرج فسألته امه :
-نزلت؟
-لسه
واصبحنا ظهرا
-نزلت؟
-لسة
ثم عصرا
-نزلت ؟
-لسة
ثم دخل الاب الحمام ثم خرج فسأله الواد:
-نزلت يابابا؟
كانه يؤمن ذلك اللئيم بنوع من التكامل الفسيولوجى بين افراد الاسرة ذلك التكامل الذى وفقا له يبلع هو الزلطة فتنزل من ابيه
فلعن الاب ابا الجهل واقفل عليه باب مكتبه ليشتغل .....
وسرعان ماانفتح الباب عن مظاهرة مكونة من الواد وامه وهما يهتفان ويرقصان
-نزلت ! نزلت ! نزلت!
كان قد نسى الامر وقال لهما:
-هى ايه اللى نزلت ؟
-الزلطة
-اه الزلطة ام 3 جنيه!
- وهم 3 جنيه كثير عى نزول الزلطة ؟!
-3 جنيه كثير على جيبى انا ؟
وضمه اليه وقبله ثم تركوه وخرجا ..وبحث عن القلم فلم يجده ..وخشى ان يبلعه الولد ..فهتف صارخا .... هاااااااااااااااااااااات ياواد القلم اللى كان قدامى!!!!!!

ههههههههههههههههههههههههههه
اجمد حته بتاعت المظاهره
دا انتى طلعتى فقر بقى