جوّه العيون
جوّه العيون نظرة شجن
شايلة الهموم فوق الكتاف
ووراها إحساس إتسجن
خلاها وسط النور تخاف
لكن وبعد الإنتظار
رغم الهموم رغم المـــرار
لما بتطلع فـ الهزار
تلقى عذاب الكون يهــون
جــــوّه العيون
كوكتيل غــريب مـن المأســي والفــرح
ساعات أشوفه يمـلى قـــلبي بالمــــرح
وساعات أبات لـــــيلي فـ ســـكات
وألاقي عقلـــــي بعــــيد ســرح
وســـط الضبـــاب والإكتـــــأب
والــــدمع وبحـــور الشـــــجون
جــــوّه العيون
إنسان غريب
من غير ما يقصد يجذبك
ويفرحك ويعذبك ويعلمك ويأدبك
وساعات كامان يكتبك شعر العوام
ويلف بيك وسط الزحام ..
يمكن سواقته مش تمام
لكن بجد ومش كلام ..
إنسان رزين مليان جنون
جــــوّه العيون
إوعاك تقول مسكين
يا عيني يـــا حـــرام
مش هو ده اللي الناس عليه يتصعبــــــوا
ويمصمصوا الشفة ويمــكن يهــربــــوا
لو شوفتــــــوا نظـــرة من عنيــه
مش بالمــــزاج هتــقربـــــــوا
إنسان بشوش
يمكن تكون قبل النهاردة ماشفتوهوش
وماتعرفوش لكن عنيه مايخوفوش
ومايــلبدوش ذي الوحـوش
إللي يخــافـوا مايختـشوش
هتصــــدقوا متصدقـــــوش
من شافه مش ممكن يحـــــــوش
قلبه الحنون يغرق فـ لحظة من سـكون
جــــوّه العيون
__________________
بيني وبنكو السهر نـسهر ونسـتنى
الشمس جايه هتبدر أرضـنا حِـنه
الأربعاء 6 أغسطس 2008 - 0:06