رنة تليفونك ) قصيدة للشاعر عثمان بحور من ديوان منى قلبى
.............................رنة تليفونك............................
رنة تليفونك باعرفها .................... من غير سماعتى ما بارفعها
با تراهن مع قلبى عليها ................. و بتطلع هى بعنيها
الله على صوتك فى ودانى .............. بيحرك قلبى و وجدانى
سكر بيدوب جوه كيانى .................. و بيروى الشوق اللى كوانى
معقوله تكون ديَه مكالمه ................. لأ ده انت بتوصفلى الجنه
على صوتك قلبى بيتهنى ................ و فى همسك غنوه بتتغنى
من كتر حلاوة حكاوينا .......... .........بنلاقى الوقت يطير بينا
نتحايل أوى على بعضينا .................ع اللى راح يقفل مين فينا
نضحك و نقول : نعد نقول .............. واحد اتنين نقفل على طول
و بعد ثوانى ومش معقول .............. ...الشوق خلانى أطلب على طول
وأعيد من تانى ألاقيك مشغول ........... أتاريك بتحاول وانا مشغول
ياتخلى الخط معايا موصول ............... يا تيجى تعيش و يايا على طول
رنة تليفونك باعرفها ....................... من غير سماعتى ما بارفعها
كل واحد يدخل يقول رايه ويقول هو شايف ان الحب كده ولا بطريه تانيه؟؟؟؟؟؟؟
السبت 19 يوليو 2008 - 2:22
