يوم فى حياه عضو

هستازنكم اقولكم بليل عشان انا رايح الشغل دلوقتى

ماشى مستنينك تقولنا وتروح وتيجى بالف سلامة من الشغل ربنا يقويك

انا حكى ليكم كزا يوم فى حياتى فى الايام العاديه بصحى الساعه 10 صبح وبتشطف واخد دش وانزل اروح الكليه او الشغل بععد كده اقعد اتخانق مع ابويا ده العادى بتعنا بعد كده اخلص الشغل اجى اقعد الف على اصحابى واحاول اقعد معاهم لحد قبل الفجر وفى ايام تانيه لما بروح الكورسات بخلص الكورس واقعد مع اصحابى نلف مع بعض بعد كده نرجع البيت على 12

ايه مين هيحكى بعدى شوفو حد يتكلم

ويبا او حمادة وبقترح كمان حمادة يتحط على كرسى الاعتراف

باريت

انا هحكيلكم عن يوم من حياتى وطبعا طبعا عارفين اليوم ده
يوم الفرح
صحيت الصبح الساعه 8 مش عارفه انا ايه الى كان مصحينى بدرى اصلا الهم قمت كده صليت وفطرت وشربت الشاى والخ الخ المهم بقت الساعه 11
وضبت الفستان والحاجه وقمت نازله على الساعه 12 روحت الكوافير لطعونى هناك لحد الساعه 7 المغرب وحيده شريده ماما طبعا مشغوله فالبيت وصحابى استندلو معايا بقو الكورس عليا المهم ربنا بعت الفرح وواحده من صحابى جت قعددت معايا شويه
جه العريس الساعه 7.30 ماهو على قلبه مراوح مش عارف انى طلعت عين المهم خرجت من الكوافير ولاقتلك ايه بقى
زفه جامدددددددده جدااااااااااا كنت فرحانه بيها اوووووووى روحت الاستوديو اتصورنا المهم الساعه 9 كنا عند جروبى علشان القاعه بتاعت الفرح كانت هناك رفه بردو وحاجات كده
المهم دخلنا القاعه لاقيت بقى المعازيم وكنت فنص هدومى لما تحس ان كله بيبصلك كان هاين عليا اخرج تانى بس قولت خلاص ادبست بقى
ال D.j كان جامد اوى اغانى جامده جدا وخلص الفرح الساعه 1 خرجنا كلنا شويه قعدنا نلف شويه فالقاهره ليلا ودخلت بتنا الساعه وبلاش تريقه 3 الصبح طبعا مش شايفه قدامى نمت لحد تانى يوم الساعه 4 العصر
ودا كان يوم فحياتى

وانا كمان من المؤيدين اننا نحط حماده على كرسى الاعتراف
لانه هرب منه زمااااااااااااااان علشان الامتحانات

عقبال الليلة الكبيرة ياقمر والف مليون مبروك وربنا يكملك على خير ومستنية الصور

ويلا عاوزين حمادةعلى الكرسى

الف الف مبروك انا عاوز اعرف تانى ايه انطباعك وانطباع الناس والى اقلهولك

هو انت بتقصد مين يا ابو حميد

انتى طبعا بعد يوم الخطوبه

يعنى كنت عامله ازاى تانى يوم بعد الخطوبه؟
وايه انطباع الناس دى؟

يعنى حسيتى بايه اول ما صحيتى من النوم الناس لما قبلت قلتلتك ايه انا عن نفسى بعد اى موقف حلو اوا وحش باحرج اخرج من البيت عشان مقبلش حد لانى مبعرفش اتكلم انتى عارفين مره كنت بعزى قلت لواحد الف مبروك

هههههههههههههههههههه
الف مبروك لا مش اوووى كده
بصراحه اليوم ده مخرجتش من البيت الى على العصر كده خرجت انا ومحمد اتفسحنا
وكان الى يشوفنا ويكلمنا كنت بسكت ومحمد هو الى كان بيرد والكلمه المعروفه بقى الله يبارك فيك
بس تعرف على قد ماكنت محرجه بس كنت فرحانه عارف لما تحس ان معاك حمايه
حد لما يحصل حاجه هيحميك ومش هيخلى حد يضايق باى حاجه او يزعلك بجد احساس جميل

الف شكر ياقمر ربنا يخليكى
ويسعدك يارب مع الى يستحقك ويريحك
وعقبالك كده وانتى كمان تحكلنا عن يوم فرحك قريب ان شاء الله

بس تيجى يوميها ان شاء الله هقولك وتيجى وتجيبى محمد والبت باربى كمان

ايه ايامكم السوده اللي انتوا عايشنها دي
متخرجوا يا حبيبي
عيشوا
ايه مفيش اماكن تروحوها
ايه مصر اضيقت للدرجادي
انا نفسي يبقي اليوم 80 ساعه مش 24 وبس