كـــــــــــرســــــــــــــــى الاعــــــتراف

ازيكم يا احلى اعضاء منورين صحبة

الفكرة هى اننا هنلعب لعبة كرسى الاعتراف اول حد هيقعد على الكرسى هيكون بالتصويت كل عضو يصوت هو عاوز مين يقعد على الكرسى التصويت هيتقفل كمان يومين واكتر حد اخد اصوات هو اول ضحية لينا ولما نخلص استجوابة لمدة اسبوع ولو شعبيته كتبيرة وعاوزين نطول المدة مش مشكلة هو بقى يختار لنا الضحية التانية مين من غير تصويت وكل ضحيه يختار اللى بعدة

لو لفكرة عجبتكم صوتوا ويلا نلعب سوا ولا معجبتكمش خلاص مش مشكلة مش لازم تتنفذ

ولازم اللى هيقعد على الكرسى يعترف احسن له وبالذوق

ههههههههههههههههههه
فكرته حلوه اوى
وحلوه حكايه بالذوق دى
ماشى وعلشان مش بحب اكسرلك كلمه
هختار عضو هو ميعتبرش عضو هو اساس وهرم من اهرام المنتدى
انا بختار المدير 7amada

ههههههه عجبتك بالذوق ايوة يابنتى بدل ما نتهور عليه بالذوق يعترف احسن وكده اول صوت معانا لحمادة

انا هصوت اخر حد

انا كمان بصوت لحماده على انى عارف انه مش بيقعد على المنتدى ومن بعده ويبه لو هو مش هيعرف

شكرا لتصويتك احمد وكده صوتين لحمادة ولو مقدرش يبقى صوت لويبا

ًوتك انتى فين ده الفيصل

صًوتك انتى فين ده الفيصل

انا الصراحة عاوزة اكتر من حد اصوتلهم بس هدى صوتى لحبيبة قلبى ويبا

شكله هتكونى انتى ياويبه لو بكره عده وحماده مردش هتكونى انتى يا ويبه نو ويي

يارب تقعدى ياويبا وهنظبطك اسئلة اول ضحية بقى

هههههههه عشان تعرفى انى صديقة بجد ومتهيالى كده انتى اللى هتقعدى

منورة كرسى الاغتراف يابت

مين اللى على الكرسى عاوزة اسال بقى

انا هسال واللى هيقعد يجاوب

ايه الاسئله دى دى يا باربى دنا ممكن اجواوبهم كلهم عاوزين اسئله تقيله يا خزنا كرسى عصر انتى يا ويبه اللى فيها انا مش هسال الا لما تجاوبى على باربى

دى ب بداية عشان البت متتخضش بس اكيد هنعصرها ده كرسى الاعتراف

ماشى وماله انا معاك يا معلم بنتظار متمزيل ويبه اخر نداء لويبه هل من مجيب

هههههههههههههههههه
ياحلاوه انتو ابتدايتو بيا ومالكو داخلين سخنين عليا كدا ليه
على العموم ولا بيفرق معانا وهجاوب على اى حاجه تعوزوها
وعلشان انتى الى افتاتحتى الموضوع يا باربى هجاوبك

1)البطاقه الشخصيه اسمى webaa
بدرس فى الفرقه 3 كليه تربيه عين شمس قسم رياضه والحمد لله دخلت كورس علشان اكون رياضه لغات كنوع من انواع تحسين ظروف العمل
الحاله الاجتماعيه اعذب هههههههههههه حلو كده
2)اديكى شوفتى بحب الشخبطه وسماع الموسيقه الصاخبه وخاصه Evanescence
بحب اغنيها والموسيقا بتاعتها ولو المود تمام ممكن اسمع اغانى Slow
3)من حماده كنت قابلته على الشات الى فوق ده وقالى على المنتدى
4)المادى والكروهات باختلاف الوانها
5)وحده كده اول حرف من اسمها باربى ههههههههههه
6)قسم الحوار المفتوح
7)يااااااااااااه سؤال جوابه صعب كل يوم امنينا ونظرتنا للمستقبل بتتغير
انا مثلا عمرى ما كنت حابه مجال دراستى ده ودايما اقول عليه انها شغلانه تقصر العمر
تخيلى انى اقعد اهاتى مع عيل ويقرفنى وعلى ايه فكنت بحلم انى بعد ما اخلص اخد دراسه حره فى المجال الى اتمنيته
وبعدين طلع مينفعش علشان مينفعش اجمع بين شاهدتين بكالريوس
لازم واحده فى المجال العلمى والتانيه نظرى يعنى ليسانس
ولتانى مره تتغير احلامى ونظرتى للمستقبل فهمتينى اقصد ايه بقى

وعلى العموم يا جدعان الى انتو تعوزو تتكلمو وتسالو فيه انا معاكو وهجاوب بكل صراحه
علشان تعرفوا الى هيقع تحت ايدى مش هرحمه وقد اعذر من انذر

نورتى الكرسى وشكرا على اجابتكم وانتى كمان قريبة منى اوى وحبيبة قلبى يابت

[

size=16]

النت بيمثلك ايه ؟ وكام ساعه بتقعدى فيها نت ؟1-

2 - رايك ايه فى عمل المراه ؟

3- مين العضو اللى دايما موضوعاته بتعجبك ؟

4- اكتر توقيع عجبك ؟

5- لو انتى الادمن وليكى الحق انك تطردنى عضو هتطردتى مين ؟

6- تتمنى ايه يكون موجود فى المنتدى هو مش موجود حاليا؟

[/size]7-لو معاكى وردة حمرا ووردة بيضا ووردة صفرا ووردة روز هتهدى مين كل وردة ؟

8- عضو نفسك تتعرفى عليه ؟

9- ايه اكتر صفة فيكى بتضايقك وحاولتى تغيريها ومقدرتيش ؟

10 - لو كنتى فى موقف اختيار بين صداقتك الوحيدة وحبك الوحيد هتختارى مين ؟

11- ايه اخبار الحب معاكى ؟

12- لو فتحنا قلب ويبا هنلاقى مين ؟

هرجعلك تانى

ايه يابت ياباربى انتى هتتسلى عليا
لا وحلوه اووى رجعالك تانى بجد شكلك هتعصرينى فى الكرسى بتاعك ده
1)النت عرفنى على ناس فى حياتى ما تخيلت انى اعرفهم واولهم انتى وبقى بيمثلو لحياتى شئ كبير
وبقى ليهم مكانه كبيره عندى كفايه انى لما بحتاج حد بكلمك وانك دايما جنبى يبقى بزمتك بيمثلى ايه
واذا كان على الوقت فهو حسب الظروف
2)حق مشروع انا عن نفسى هشتغل لما اخلص وهصر على كده
3)انا يشدينى اكتر الموضوع ومحتواه عن مين الى كاتبه
بس لو قولنا معظم افكارك فى النقاش بتعجبنى
4)فاكره التوقيع بتاعك الى كان فيه هو ماسك اديها وكانت لابسه دبله وفستان فرح كان رومانسى
5)الصراحه الاعضاء كلهم فوق الممتازين
6)الاعضاء
7)ههدى امى الورده الروز وبابا البيضا واديكى الصفرا والى بحبه الحمرا وحاليا هخليها معايا
بنوته مصريه
9)انا نفسى اغيرها كلها كده على بعضها
10)ايه الحيره دى دا موقف رخم ربنا ميحطش حد فيه وفعلا معرفش ساعتها الموقف هيقرر سبيها للظروف
11)معاند معايا واوحش مافيه انك تكونى بتحبى حد مش بيحبك تحسى بزهق فى حياتك محستيهوش
12)هتلاقى بطين ايمن وايسرودم وحاجات غريبه كده انتى فاشله احياء ولا ايه
هههههههههههههههههههه
هتلاقى جرح سببه حب من طرف واحد وشخص ملامحه مبهمه وفرااااااااغ فظيع وشعور بالملل مش قادره اتخطاه



وشكلك كده مش هتعتقينى النهارده صح

بصى انا بحاول ارد عليكى اول باول
علشان مضمنش ظروف النت ممكن يعملها ويفصل فى اى وقت
1)بصى المعروف عن الحب اتنين يشوفو بعض يعجبوا ببعض يحبو بعض
محصلتش معايا ولا مره
بس ده مش معناه انى محبتش ولا مره بس مش زى الحب الى شرحتهولك ده هو ممكن يكون احتياج لمشاعر واهتمام ولاقتيها فى كلام شخص فقلبى مال ودق ليه
2)بصى لما بحس حاجه اووى بحب اشغل اغنيه تعبرلى عنها وحاليا الى بسمعها تامر حسنى
فهكتب حبيبى انا قلبى واجعنى انت عامل فيا ايه انت ساحرلى ولا ايه
ما كل الناس بتقدر تنسى طب انا مش قادر انساك ليه............
3)حاليا الحزن
4)ـــــــــــــــــــــــــــــــــــــــــــــ
5)مسمحتش لحد يقولهالى الا واحد ومقولتهاش الا ليه ومحستش صدقها الا معاه
6)احترامه فى الكلام وانو يكون عادى بيقبل الهزار مش ماسك زى عينات بنشوفها
7)رائى هو بصى كل واحد من دول ليه مكانه عندى
بس علشان قولت هجاوبك على اى حاجه هقولك

باربى : اجمل بنوته بحسها صديقه ممكن اكلمها فى حاجات محدش يعرفها غيرى انا وهى ممكن تقولى بتمنى انها تكون صديقه عمرى وهموووت واشوفها عاى الحقيقه ويحصل بنا كلام ونخرج مع بعض

بنوته مصريه: اختى الى بحس فيها الالتزام بالدين دا بجانب روحها الحلوه بس بتجبرنى انى اشوفها اختى الكبيره

مادا: الشقاوه تحسيه رومانسى اوى وبحس انو بيحب حببته موووت

احمد:دا بقى الباشا الى صمد معانا وبيدخل على الرغم من الركود ده بشوفه جدع وخدوم وروحه حلوه ومش بيفوت موقف الا لما يكون ليه وقفه

حماده: يكفينى اقول انه كان السبب فى انو عرفنى عليكوا وعلى المنتدى وحكم عليا انى ابقى فى الكرسى الى فضح الواحد على الاخر

وانتى كفياكى تشريد بقى ارحمينى دانا صحبتك بردو

بصى يا اخت ويبه طبعا باربى عملت معاكى الواجب وزياده انا مقدرش اقول بعد كلمها تانى بس عاوزك الاجبات تبقى بشرح فى الموضوع الاخير يعنى ازاى حبيتى من طرف واحد وايه اللى خلاكى تعملى كده وكان عندك امل يبصلك وايه الحجات الى كنتى بتعمليها عشان تحسسيه انك مميزه ودى بدايه بس

ههههههه عقبال ما اعمل الواجب معاك

ايوة يا ويبا عاوزين تفاصيل

على العموم ياباربى ليكى يوم بس مبدائيا كده كل واحد يبقى يرد بصراحه زى ما برد معاكو اهوه
1)من اى حد وفيها اى حاجه مش فارقه يعنى
2)واحده اعرفها وبحبها موووت اسمها مريم
3)الغدر والكدب
3)اااكيييييييييد بابا مفيش حد زيه فى حياتى حاجه خاصه كده
4)كتييييييييييير
5)لما ببقى حزينه او مضايقه اووى
6)عمرو دياب
7)مفيش اغنيه بصيتلها على انها تمثلنى كلهم مواقف او مود مش اكتر
شعورى انى نفسى امسكك اضربك