مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل
المسطول:اه اختى
واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك
اتغير قوى يا محمد رد عليه وقاله انا مش محمد قاله ياه وكمان غيرت اسمك
كان يامكان كان فى مرة بطة البطة دى كانت بتروح عند البقال تقولو عندك حلاوة يقولها
لاء...اليوم التانى عندك حلاوة يقولها لاء.....اليوم تالتت عندك حلاوة يقولها لاء فالبقال زهق بقى وقالها لو جيتى تانى هدبس رجليكى بالمسامير فى الارض...فراحته بعدها تانى قالتلو عندك مسامير قالها لاء....قالتلو طب عندك حلاوة
مره واحد بخيل قوى خبط فى حيطه اتعور جامد اوى وقعد ينزف
شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا
عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل
موصلات والف دولار بدل ترفيه والف دولار مكافه فالعسكرى الاسرائيلى ساءل العسكرى المصرى بتقبض كام قالوا سبعين جنيه قالوا بدل ايه ده؟ قالوا....بدل ماشحت
فى يوم المراة العالمى اجتمع 3 ستات واحدة امريكية والتانية فرنسية والتالتة صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة .
بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية
واحده وحشه قوى طلعلها عفريت وقالها نفسك فى ايه؟
قلتله نفسى الرجاله كلها تموت فيها
قلبها بلاعه
مره واحد بلديتنا دخل كوفى شوب وطلب واحد شاى الجرسون جاب له الشاى
وقاله اتفضل يا بيه الشاى اهوه والسكر بره رد عليه بلديتنا وقاله بره ليه حرام عليك الجو برد قوى خليه يتفضل جوه هنا
مره واحد احول عنده حمامه حوله
الاحول جه يحط الحمامه في القفص حطها بره
والحمامه عشان حلوه دخلت جوه
مرة اثنين محكوم عليهم بالاعدام واحد رخم والتانى لا
فقالوا لكل واحد يتمنى امنية
فالتاني طلب يشوف امة فطلب الرخم ان اللى جمبى مايشوفش امة
واحد الماني اخترع جهاز قياس الكذب فحب يجرب الجهاز فجاب واحد ياباني وواحد انجليزي وواحد امريكي وواحد من اخوتنا الصعايده
فقعد اول واحد الياباني وقال انا بفكر اعمل مكتبه بتطير فزمر الجهاز فطلعوه بره كداب وقعدوا الانجليزي فقال انا بفكر اعمل جزمه بها محمول فزمر الجهاز كداب فقعدوا الامريكي فقال انا بفكر اعمل جذمه بتمشي لوحدها فزمر الجهاز كداب فقعدواا الصعيدي فقال انا.... بفكر ..... فزمر الجهاز كداااااااااب
ثلاثه نمور اتراهنوا على الصيد راح الاول ورجع في بقه
دم قليل قال شفتو الشجره اللى هناك دى؟
قالوا أيوه قال اصطادت
عندها أرنب راح الثاني ورجع في بقه دم كثير قال شفتو
الصخره اللى هناك دى قالوا أيوه قال اصطادت عندها غزال
راح الثالث وهو أغبى واحد فيهم ورجع وكله دم قال شفتوا
العمود اللى هناك ده قالوا أيوه قال أنا ما شفتهوش
احد بخيل قال لابنه : إنجح السنة دي وانا أجبلك كورة ..
الولد شد حيله ونجح .. أبوه إشترى له كورة .. وقال له : طب لو نجحت السنة الجاية هأنفخهالك
مسطول مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه
قط محشش ماشى بيقول يقطع الحشيش
وسنينه هيا كانت "مياو" ولا" نياو
مرة اتنين خارجين من خمارة واحد بيقول للتانى انا عايز العب كورة فصاحبه قلوا مفيش كورة فقالو اول
واحد هيخرج من الخمارة نقطع راسو ونلعب بيهة فخرج واحد سكران اكتر منهم فقالولو هنقطع رايك ونلعب فقام مطلع مسدس وقال اى واحد هيجى جنب الكورة هفرقعها
غبياء راحو يلعبو بلياردو،
واحد منهم وقف فوق الطرابيزة وقال لهم انا الجوووووون
الجمعة 14 ديسمبر 2007 - 17:51
